"CES 2025" sərgisində "Asus" şirkəti bir sıra yeni routerlər (modemlər) təqdim edib.

Oxu.Az "The Verge" nəşrinə istinadən xəbər verir ki, yeni məhsulların sırasına səyahətçilər üçün modemlər, həmçinin mobil istifadə və açıq havada simsiz şəbəkənin təşkili üçün həllər daxildir.

Flaqman modeli olan "Asus ROG Rapture GT-BE19000AI" routeri təkmilləşdirilmiş məxfilik və enerji səmərəliliyi (istehlakı 46% azaldır) təmin edən inteqrasiya olunmuş mərkəzi emal qurğusuna (NPU) malikdir. "ROG AI Game Booster" və "Adaptive QoS 2.0" texnologiyaları gecikməni 34%-ə qədər azaldır, 3000-ə qədər oyunu dəstəkləyir.

Oyun funksiyalarına əlavə olaraq, cihaz daxili reklam bloklayıcısı və izləyici bloklayıcısı kimi alətlər təklif edir.