Amerika futbolu tarixinin ən yaxşı oyunçularından biri olan Tom Bredi "Milyarderin bunkeri" adlı malikanəsini 150 milyon dollara satmaq istəyir.

Oxu.Az "Bloomberg"ə istinadən xəbər verir ki, milyarder Ceff Bezosun Floridadakı İndian Krik adasına köçməsindən sonra burada yerləşən əmlakların dəyəri kəskin artıb. Bu səbəbdən Tom Bredi də mülkünü satmağa qərar verib.

Məsələ ilə tanış olan şəxslərin dediyinə görə, İndian Krik adasında, Aylend Rod 26 ünvanında yerləşən bu əmlak yalnız potensial alıcılara təqdim edilir. Yeni tikilmiş malikanəyə artıq 150 milyon dollardan çox təklif edildiyi bildirilir.