Almaniya avtomobil istehsalçısı "Mercedes-Benz", Çin şirkəti "Hesai" tərəfindən hazırlanmış lidar (lazer radarı) texnologiyası əsasında ağıllı idarəetmə funksiyasına malik avtomobillər istehsal edəcək.
Bu barədə Reuters məlumat yayıb.

Məlumata görə, "Mercedes-Benz" dünya bazarı üçün "Hesai" lidar sensorları ilə təchiz olunmuş avtomobillər hazırlayacaq. Bu, xarici avtomobil istehsalçısının ilk dəfə belə bir texnologiyanı Çin xaricində satılan modellərdə tətbiq etməyə çalışdığı haldır.

Mercedes-Benz-in qlobal bazar üçün Çin texnologiyalarını mənimsəməsi, ABŞ-nin Çin istehsalı komponentlər və proqram təminatının istifadəsinə qarşı sərtləşdirdiyi siyasət fonunda baş verir.

"Hesai şirkəti" məhsullarının əlçatanlığı və genişmiqyaslı istehsal imkanlarına görə alman avtomobil konserni tərəfindən təchizatçı kimi seçilib.