Dronları məhv edə bilən lazer döyüş qurğusu Krım Respublikasında sınaqdan keçirilib.
Bakupost.az xəbər verir ki, bu barədə TASS-a pilotsuz uçan aparatların idarə edilməsi təlimləri üzrə ümumrusiya “Arxangel” layihəsinin yaradıcısı və rəhbəri Mixail Filippov məlumat verib.
“Biz 35 metrlik hədəfə qədər məsafədə lazer döyüş qurğusunun sınaqlarını keçirdik. Şüa 15 santimetr qalınlığında ağacı 5-6 saniyəyə dəlir, sonra isə daha iki və ya üç maneəni aşır”, - deyə o, agentliyə bildirib.
Filippov əlavə edib ki, silikat kərpic yeni bir şüa ilə təxminən bir dəqiqə ərzində, qalınlığı 10 santimetr olan metal isə birbaşa təsirdən təxminən 10 saniyə ərzində yanır.
Archangel layihəsinin rəhbəri kompakt qurğunun pilotsuz təyyarələrlə mübarizədə istifadə oluna biləcəyini də bildirib.