ABŞ-nin məşhur yük maşını "Kenworth W900" 2026-cı ildə istehsaldan çıxarılacaq. Onun yerini daha ekoloji bir model alacaq.

Bu barədə auto.ru məlumat yayıb.

Məlumata görə, "Kenworth Truck Company" 2026-cı ildə köhnəlmiş modelləri istehsaldan çıxaracağını elan edib. Bunların arasında W900 də var. Yük maşınının müxtəlif versiyaları 1961-ci ildən bəri ABŞ-də istehsal olunur.

W900 ilə yanaşı, daha "gənc" iki model də istehsaldan çıxarılacaq - C500 (1972-ci ildən istehsal olunur) və T800 (1986-cı ildən istehsal olunur). Hazırda hər üç model üzrə sifarişlər hələ də qəbul edilir, lakin şirkət mümkün qədər tez sifariş verməyi tövsiyə edir.