Azərbaycan Baş prokurorun müavini - hərbi prokuror, ədliyyə general-leytenantı Xanlar Vəliyevin səlahiyyət müddəti bu gün başa çatıb.

Lent.az-ın əldə etdiyi məlumata görə, Xanlar Vəliyevin səlahiyyət müddəti növbəti 5 il üçün uzadılmayıb.

Qeyd edək ki, o, 2020-ci ilin 8 aprel tarixində bu vəzifəyə yenidən təsdiqlənmişdi.

Xatırladaq ki, martın 15-i Xanlar Vəliyevin 70 yaşı tamam olub.

Prezident İlham Əliyevin Sərəncamına əsasən Baş prokurorun müavini - Hərbi prokuror, ədliyyə general-leytenantı Xanlar Rüstəm oğlu Vəliyev 1-ci dərəcəli “Vətənə xidmətə görə” ordeni ilə təltif edilib.

X.Vəliyev prokurorluq orqanlarında uzunmüddətli səmərəli fəaliyyətinə görə bu mükafata layiq görülüb.