Kamçatkada (Rusiya) alimlər Şiveluç vulkanının günbəzlərində yeni isti göl aşkar ediblər.

TASS xəbər verir ki, bu barədə Rusiya Elmlər Akademiyası Uzaq Şərq Bölməsinin Vulkanologiya və Seysmologiya İnstitutu məlumat yayıb.

Qeyd edilir ki, su hövzəsinin mərkəzi hissəsi qaynayır və ətrafa 40 santimetr hündürlüyündə su püskürür. Gölün kənarlarında isə suyun temperaturu 52 dərəcə təşkil edir.

Bundan əlavə, suyun səthində xarakterik mavi rəngli təbəqə müşahidə olunur. Güman edilir ki, bu, kükürd və onun törəmələrindən ibarətdir.

Tədqiqatçılar laborator analizlər üçün su və mavi təbəqədən nümunələr götürüblər.