Avtomobil tüninqi ilə məşğul olan "Brabus" şirkəti lüks daşınmaz əmlak bazarına daxil olmağa hazırlaşır.

Oxu.Az auto.ru-ya istinadən xəbər verir ki, şirkətin "Brabus Island" adlı ilk yaşayış kompleksi Birləşmiş Ərəb Əmirliklərinin Əbu-Dabi şəhərində inşa olunacaq.

Kompleks Əl-Sif bölgəsində, Əl-Raha çimərliyi yaxınlığında yerləşəcək. 100 000 kvadratmetr ərazini əhatə edən ada Şeyx Zayed Beynəlxalq Hava Limanına və Əbu-Dabi mərkəzinə yaxın məsafədədir.

Layihə çərçivəsində 4 binada yerləşəcək 350 lüks mənzil (2, 3 və 4 otaqlı, sahəsi 107-456 kvadratmetr) və 100 villa (cütlüklər üçün və çimərlik villaları daxil olmaqla) tikiləcək. Hər bir mənzil modul mebel konsepsiyası ilə təchiz olunacaq. İnteryer dizaynı üçün üç seçim təqdim olunur: "Black and Bold", "White Bliss" və "Gray Haven".

Qeyd edək ki, "Brabus" şirkəti "Mercedes-Benz Group AG"yə məxsusdur və əsasən "Mercedes" avtomobillərinin tüninqi ilə məşğuldur.