2024-cü ildə Şimali Koreyadan gizli şəkildə çıxarılmış "Samtaesung 8" smartfonu jurnalistlərin əlinə keçib.

"Daily Mail" nəşri xəbər verir ki, smartfon istifadəçinin hər bir hərəkətini izləyən "qorxulu skrinşot" funksiyası ilə təchiz olunub.

Proqram təminatı avtomatik olaraq hər beş dəqiqədən bir ekranın şəklini çəkərək, telefon sahibi üçün əlçatmaz olan qovluqda saxlayır.

Həmin qovluğa yalnız Şimali Koreya hökumət orqanları baxa bilirlər. Bu sistem vətəndaşların qadağan edilmiş informasiyanı axtarmadığına və hökuməti tənqid edən hər hansı bir məlumat paylaşmadığına əmin olmağa imkan verir.