Fələstinin HƏMAS hərəkatı İsrailin hərbi əməliyyatları dayandıracağı təqdirdə Qəzza zolağına nəzarəti Fələstinin digər strukturlarına verməyə hazırdır.

“Report” xəbər verir ki, bu barədə “İnterfaks” HƏMAS nümayəndəsi Xəlil əl-Həyaya istinadən məlumat yayıb.

“İsrailin hərbi əməliyyatlarına son qoymaqla bağlı razılıq əldə olunarsa, HƏMAS Qəzzaya nəzarəti dərhal peşəkar milli Fələstin strukturuna verməyə hazırdır”, - Xəlil əl-Həya deyib.

O, İsrail hökumətinin atəşkəs razılaşmasına nail olmaq üçün danışıqlara maneələr yaratdığını qeyd edərək, HƏMAS-ın da öz növbəsində növbəti ciddi danışıqlara hazır olduğunu bildirib.