Bu bizik?!
Guya nə dəyişib ki..?! Bu gün üstündən əsr də keçsə də ...((Qarabağ Şəhidinin məzarı su altında qalırsa, Şəhid və qazi .ailələri qayğısızlıq görürsə , başlarına dubinka endirilirsə...
O generala küçə süpürtdürənlərin nəvələri, daha doğrusu , Leninin nəvələri isə təəssüf ki, bu gün yenə səlahiyyət sahibidirlər. və hətda "yeni seçilmiş" deputatlardır.
Bu Bizik..?!
Sabah Azərbaycanın böyük oğlu, ilk Hərb generalı -Müdafiə nazirimiz , 40 minlik ordunun əli süpürgəli generalı –işğalçılıq və ikiüzlü siyasətinə görə ingilis və rus medallarından imtina edən ,lakin bizim onun vətənpərvərliyi və şücaətindən doğu qəbrinə belə sahib çıxa bilmədiyimiz Səməd Bəy Mehmandarovun vəfat etdiyi gündür ...Səməd bəy Mehmandarov 1856-cı il oktyabrın 16-da Lənkəranda anadan olmuşdur. Əslən şuşalıdır.
Səməd bəy Mehmandarov: «Torpağımı və xalqımı fəth edən ikiüzlü bir ölkənin ordeni mənə gərək deyil! Qəhrəman əsgərlər! Siz qanınızla gənc Azərbaycan Ordusunun namusunu mühafizə etdiniz…»
100 manat, süpürgə və sahibsiz qəbir…1928-ci ildə səhhətinə görə istefaya çıxan general Səməd bəy Mehmandarova dövlət 100 manat pensiya kəsmişdi. Generalının həyat yoldaşı Yelizaveta Nikolayevna və yeganə oğlu Pir o zaman sürgünə göndərilir, qocalmış və əldən düşmüş Mehmandarov isə Bakıda qalır. Ömrünün son üç ilində islam tarixi və fəlsəfə ilə məşğul olur. Şahidlərin dediyinə görə, Sovet hökuməti onu Müsavat hökumətinin hərbi naziri işlədiyi binanın — sonralar Azneft kimi tanınan o tikilinin ətrafını süpürməyə məcbur edirmiş. Hamıya görk olsun deyə…
1931-ci ildə Bakıda vəfat edən Səməd bəy Çəmbərəkənd qəbirstanlığında (indiki Şəhidlər Xiyabanında) dəfn edilir. 1939-cu ildə bolşevik Kirova heykəl qoyulanda həmin qəbirstanlıq dağıdılır və yerində istirahət parkı salınır. İmkanı olanlar əzizlərinin qəbrini bu ərazidən başqa yerə köçürür. Azərbaycan dünya şöhrətli generalının qəbrinə isə sahib çıxan tapılmır
...Həyatları, ailə faciələrini vətənləri ücün heç nələrini əsirgəyən VƏTƏN oğulları, Allah Sizə rəhmət eləsin!
Nankor, qədirbilməz övladlarını isə bağışlayıb bağışlamamağını Allah özü bilər...
Baba Allahnezerov
Teref.az