“Rusiya 1839-cu ildə” kitabı ölkəmiz haqqında ən “neqativ”,
hətta ən “alçaldıcı” esselərdən biridir”.
Vadim Kojinov,
rus tarixçi və ədəbiyyatşünas
Astolf de Küstin (Astolphe de Custine, 1790-1857) – fransız yazıçısı və səyyahıdır. Rusiya haqqında 1843-də dərc etdiyi səyahət qeydlərini “Россия в 1839 году” (fr. La Russie en 1839) adlı kitabda toplayıb dərc etməklə rusların həqiqi portretini çəkmiş, bu əsəri ilə dünya şöhrəti qazanmışdır. Çarlıq dövründə kitab zaman-zaman yasaqlanmış, buna rəğmən Avropa ölkələri qədər Rusiyada da geniş şəkildə yayılmışdır.
Bizim “uruskoyazıçnılar” bu kitabı bilməzlər.
İndiki “obrazovolskilər” ancaq rusca danışmaqla öyünürlər, oxumaq, araşdırmaqla araları yoxdur.
Zatən bu paylaşımı da bu üzdəniraq rusdilli “müasirlərimiz” üçün deyil, elə özümüz – Ana dilimizi sevənlər, onu ilahiləşdirənlər üçün paylaşıram.
Çünki rus dilindən faydalı istifadə edənlər də elə onlardır…
“Россия в 1839 году” əsərini uzaq keçmişdə – aspirant vaxtı Moskvada bir çex qızı vermişdi oxumağa. Həm də bircə günlüyünə.
Bərbad bir kserokopiya idi.
Doğrusu, çox ötəri oxumuşdum.
Ancaq əsas xətləri ilə məğzini anlamışdım.
Bu gün rusların dünyaya necə fəlakətlər yağdırdığını məgərsə Astolf de Küstin təxminən 200 il əvvəl görübmüş.
Bəlkə də elə buna görə indiki Rusiyada “Россия в 1839 году” kitabına münasibət çar dövründən fərqli deyil – məsələn, 2006-da çıxan kitab cəmi 5 min nüsxə ilə dərc olunub…
Deyəcəksiniz mösyö de Küstin hardan düşdü ağlına.
Təsadüfən, bir rus blogger Astolf de Küstindən sitat gətirmişdi postunda.
Eləmədim tənbəllik, dedim qoy heç olmzsa bir abzası Ana dilimizə uyğunlaşdırdım ki, daha çox insan tanış olsun:
“IV İvan Kremldə belə öldü və... inanmaq nə qədər çətin olsa da onu bütün xalq ağladı: zadəganlar və kəndlilər, şəhər əhalisi və ruhanilər, elə bir yas tutdular ki, sanki monarxların ən yaxşısı idi. İstəyərək və ya qeyri-ixtiyari təzahür edən bu kədər təzahürləri həyatları nemətlər zəncirindən ibarət olan monarxlar üçün çox da təsəlliedici deyildi. Gəlin dönə-dönə təkrar edək ki, təmkinli despotizm insan şüurunu sərsəmləşdirir. İyirmi il rus taxtında oturandan sonra mühakimə qabiliyyətini ya mələklər ya da dahilər itirməz. Ancaq daha böyük heyrət və dəhşətlə tiranın dəliliyinın nə qədər yoluxucu olduğunu və monarxın arxasınca onun təəbələrinin də asanlıqla ağıllarını itirdiyiyini görürəm; qurbanlar öz cəlladların ilə əlbir olurlar. Bu, Rusiyanın bizə verdiyi dərsdir”.
https://t.me/ibrahim_nebioglu
TEREF