BUSYA QOLDŞTEYNİN ANASI
22-07-2024, 15:54
![BUSYA QOLDŞTEYNİN ANASI](/uploads/posts/2024-07/1721590193_1.jpg)
Busya Qoldşteyn adlı məşhur bir violin (skripka) ustası vardı. Odessa məktəbinin yetirməsiydi.
Busya 12 yaşında hansısa beynəlxalq musiqi müsabiqəsində qalib gəlir, ordenlə təltif olunur.
1934-cü ildə Moskvada İttifaqlar Evinin Sütunlu Zalında Ümumittifaq starostası Kalinin özü şəxsən təltif edir gənc skripkaçını.
Tarixi Sütunlu Zal, anası mərasim başlamazdan oğluna dönə-dönə tapşırır: «Kalinin baba sənə ordeni verəndə sən bərkdən belə deyərsən - Kalinin baba, sizi evimizə qonaq dəvət edirəm».
Busya etiraz edir: «Ana, ayıbdır, axı biz kommunal mənzildə yaşayırıq».
Anası israr edərək «Busya, sənə nə deyirəm onu et!» deyir.
Mərasim başlayır, Kalinin ordeni Busyanın köynəyinə sancanda uşaq yüksək səslə bağırır: «Kalinin baba, evimizə qonaq gəlin!». Birdən zaldan Busyanın anasının qışqırığı eşidilir: “Oğlum, sən nə edirsən? Axı biz kommunal mənzildə yaşayırıq!"…
Ertəsi gün Qoldşteyn ailəsinə yeni mənzil verirlər...
İbrahim Nebioğlu
TEREF