İdman zalında saxlanılanlardan biri deputat Malik Həsənovun oğlu imiş - VİDEO

27-04-2021, 14:30           
İdman zalında saxlanılanlardan biri deputat Malik Həsənovun oğlu imiş - VİDEO
Nəsimi Rayon Polis İdarəsinin (RPİ) əməkdaşları tərəfindən xüsusi karantin rejimi ilə əlaqədar olaraq həyata keçirilən nəzarət tədbirləri zamanı fəaliyyətinə müvəqqəti icazə verilmədiyi halda müştərilərə xidmət göstərən daha bir obyekt aşkar edilib.

Bizimxeber.az bildirir ki, bu barədə mətbuata Daxili İşlər Nazirliyinin (DİN) Mətbuat xidmətindən məlumat verilib. Keçirilən profilaktik tədbir zamanı müəyyən edilib ki, rayon ərazisində yerləşən “Anderqraund” adlı idman zalı xüsusi karantin rejiminin tələblərini pozaraq müştəri qəbul edir.

Obyektə baxış zamanı orada olan ümumilikdə 56 nəfər şəxsin karantin rejiminin tələblərini pozması aşkar edilib.

Həmin şəxslərdən “Covid 19” virusunun yoxlanılması məqsədi ilə test nümunələri götürülüb. Onların hər biri barəsində İnzibati Xətalar Məcəlləsinin 211.1-ci maddəsi ilə protokollar tərtib edilib və cərimələniblər. Obyektin icarədarı Rafiq Günəşov barəsində isə Nəsimi RPİ-də araşdırmalar davam etdirilir.

***

Araşdırma zamanı bəlli olub ki, idman zalında saxlanılan şəxslərdən biri də deputat Malik Həsənovun oğlu İsmayıl Həsənov imiş.



Qeyd edək ki, deputat Malik Həsənov uzun illər Əmlak Komitəsinin rəhbəri, hazırda Azərbaycan Respublikası Prezidentinin Administrasiyasının Dövlət nəzarəti məsələləri şöbəsinin müdiri vəzifəsində çalışan Kərəm Həsənovun qardaşıdır.













Teref.info © 2015
E-mail: n_alp@mail.ru            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.