]https://teref.az/uploads/posts/2024-09/1725366393_1.jpg[/img]X)
Rəsmi qaynaqların məlumatlarına diqqət yetirdikdə, elə güman etmək olur ki, İqtisadiyyat yanında İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti (AİBND[img ilə TƏBİB arasında “savaş” gedir. Tribunainfo.az xəbər verir ki, bu da onunla bağlıdır ki, qurumun ayrı-ayrı müəssisələrində elan etdiyi çoxlu sayda tenderləri ləğv edilib.
Bildirək ki, ilk ləğv olunan tenderlərdən biri “M.Ə.Əfəndiyev adına Xətai Tibb Mərkəzidir. Laboratoriya şöbəsinin yenidən təşkil olunması və standartlaşdırılması məqsədilə vətəndaşlara göstəriləcək laborator tibbi xidmətlərin satınalınmasını əhatə edən tender bu gün ləğv edilib.
Dəyəri 1.250.000,00 manat olan satınalma müqaviləsinin dayandırlmasının səbəbi kimi, Antiinhisar və İstehlak Bazarına Nəzarət Dövlət Xidmətinin şərtlərin pozulması ilə bağlı tərtib etdiyi protokol göstərilir.
Dünən ləğv edilən ikinci tender isə Mərkəzi Neftçilər Xəstəxanası ilə bağlı olub. İstilik qazanxanasının qaz xəttinin yerinin dəyişdirilməsi xidmətinin satın alınması ilə bağlı satınalma müqaviləsinin ləğvi edilmə səbəbi isə “Tender haqqında” qanunun 36.1.1-ci maddəsinin pozulması olub. Bu isə o deməkdir ki, satınalmada iştirak etmək üçün təklifi və təklifin təminatını təqdim etmiş, tələb olunduğu halda müvafiq lisenziyaya və ya icazəyə malik olan təchizatçıların sayı üçdən az olub. Nəticədə, 31.819,96 manatlıq tender ləğv edilib.
AİBNDX tərəfindən TƏBİB-in ləğv edilmiş üçüncü tenderi isə Bakı Sağlamlıq Mərkəzinin olub. Tibbi sərf mallarının satınalınmasnı əhatə edən bu tender avqustun 31-də ləğv edilib. Ləğv edilmənin səbəbi isə sözügedən xidmətin 29 avqust 2024-cü il tarixli AİBNDX/SQ-7485/2024 nömrəli qərarına əsaslanıb. Həmin qərarda satınalma qaydalarının pozulması qeyd edilir.
Qeyd edək ki, bu tenderin məbləği 8.982.154,00 manat olub.
Analoji hadisə Qazax rayon Mərkəzi Xəstəxanasının da başına gəlib. Tikili və avadanlıqların cari təmiri üzrə keçirilən satınalma prosesi 4 gün öncə ləğv edilib. 103.528,00 manatlıq tenderin hansı səbəbdən ləğv edilməsinin səbəbi açıqlanmayıb. Xidmət buna yalnız sorğu əsasında cavab verə biləcəyini qeyd edib. Və tribunainfo.az olaraq bu barədə məlum xidmətə sorğu göndərməyi qərarlaşdırmışıq.
Bir başqa hadisə isə Sabunçu Tibb Mərkəzində qeydə alınıb. Modul tipli xəstəxanada enerji təchizatı avadanlıqları, Oksigen sistemi, Elektrik xətlərinin və işıqlandırma avadanlıqlarının yoxlanılması, istilik və havalandırma sistemləri üzrə texniki servis xidmətlərinin satın alınmasını əhatə edən tenderin ləğvi kimi isə “Dövlət satınalmaları haqqında” Azərbaycan Respublikasının Qanununun 14.4.5-ci maddəsinin tələbi əsas götürülüb. Həmin maddədə qeyd edilir ki, təkliflərin yenidən qiymətləndirilməlidir. Görünür, Tibb Mərkəzi 229.868,31 manatlıq qiymətləndirmədə əsaslı şişirtmələrə yol verib.
Tribunainfo.az xəbər verir ki, Abşeron Mərkəzi Xəstəxanasının keçirdiyi tender isə ümumiyyətlə təqdim olunan təkliflərin şərtləri tələb olunanlara uyğun olmayıb. 3.300.000,00 manatlıq laboratoriya şöbəsinin yenidən təşkil olunması və standartlaşdırılması məqsədilə vətəndaşlara göstəriləcək laborator tibbi xidmətlərin satın alınması bu səbəbdən, yəni “Dövlət satınalmalar haqqında” qanunun 36.1.2.-ci maddəsinin kobud pozulması səbəbindən ləğv edilib.