Əhliman Əmiraslanovun deputat seçildiyi 67 saylı Sabirabad Seçki Dairəsinin nəticələrinin ləğv edilməsi ilə bağlı Mərkəzi Seçki Komissiyasına müraciət edəcəyəm.

Bu sözləri Tribunainfo.az-a 67 saylı Sabirabad Seçki Dairəsindən Müsavat Partiyasının namizədi Farman Salmanov bildirib. O qeyd edib ki, total saxtakarlığa yol verilən bu dairənin nəticələri ləğv edilməlidir:

“Bu dairədən Əhliman Əmiraslanova o qədər səs gələ bilməz. Heç seçici aktivliyi o qədər olmayıb. Necə topladı Əhliman Əmiraslanov o səsləri, məlum məsələdir. Əhliman Əmiraslanovun saxtakarlıqla deputat seçilməsini sifariş və icra edən şəxslər cinayət məsuliyyətinə cəlb edilməlidir. Bununla bağlı bəyanat da hazırlayıram. Əhliman Əmiraslanovun saxta yollarla deputat seçildiyini MSK və digər aidiyyəti orqanlar araşdırmalıdır, nəticələr ləğv edilməlidir”.