teref.az olaraq "Bakcell"- dən, orda baş verən qanunsuzluqlardan çox yazmışdıq. Azərbaycanda fəaliyyət göstərən mobil operatorların tam bir müştərini saymamazlıq şəraitində işlədiyini bütün vətəndaşlar bilir. Mətbuat bu haqda yorulmadan yazır. Lakin görünür kifayət deyildir ki, tanınmış QHT sektorunun nümayəndəsi hörmətli Xanım Əhmədzadə "Bakcell"- də belə həyasız saymamazlıqla üz üzə gəlir. Buyurun Xanım Əhmədzadənin şikayətini sizlərə təqdim edirik:
"Bakcell"ə ünvanlanmış şikayət məktublarına kimin nəzarət etdiyi mənə məlum deyil. Mənə məlum olan "Bakcell"də ifrat dərəcədə baş verən qanunsuzluq, soyğunçuluq və özbaşınalıqdır. Telefon operatorları dublikat nomrənin 2,5 azn, müştəri xidməti 3,5 azn, Asan Xidmətdəki əməkdaşları isə 5 azn olduğunu buldirib. Mən isə "Bakcell"in mənə vurduğu maddi və mənəvi ziyanın 150000 azn olduğunu bildirirəm.
Yaratdıqları bir çox problemlərin həlli ilə bağlı operatorlardan başqa bütün rəhbərlikləri özlərini əlçatmaz elan ediblər. AZƏRBAYCAN DÖVLƏTİNİN PREZİDENTİNİN ADMİNİSTRASİYASInın hətta Dövlət müşavirləri vətəndaşların telefon zənglərinə cavab verirlər və hər ay qəbul edirlər!!!"
Xanım Əhmədzadə həmçinin yazır:
"Keçən il "Asan imza" ilə əlaqədar bütün sertifikatları almışam. 42 azn ödəmişəm.

Bu günə kimi nə həmin nömrəyə yüklədiyim puldan, (yəni digər telefonum və nömrəm var) , nə də "Asan imza"dan istifadə etməmişəm.

Bu yaramazlar nömrəmi bağlayıblar və açılması üçün yenidən bütün ödənişləri bir daha etməyimi tələb edirlər."
Hörmətli Xanım Əhmədzadə kimi ictimai həyatda fəaliyyəti ilə tanınan bir xanımı belə əsəbləşməyə vadar edə biliblərsə,görün bu oeratorlar sadə vətəndaşların başına nə oyunlar açırlar.
teref.az