Avtomobil alverçisi, yoxsa əsgər problemləri üzrə makler?

Qafqaz Xəbər Agentliyinin redaksiyasına Müdafiə Nazirliyinin Şəmkir korpusunun komandiri, Milli Qəhrəman Rövşən Əkbərovun dostu Samir Əhmədovla bağlı maraqlı məlumat daxil olub. Məlumatda bildirilir ki, vaxtı ilə Rövşən Əkbərovla bir yerdə hərbi məktəbin məzunu olan və sonradan hərbi xidmətdən təqaüdə çıxıb hazırda avtomobil alveri ilə məşğul olan Samir Əhmədov Şəmkir korpusunda xidmət edən əsgərlərin valideyinlərSamir Ehmedov 2inin xahişlərini yerinə yetirir. Yəni həmin korpusda xidmət edib hansısa problemlə üzləşən əsgərlərin valideyinləri Samir Əhmədovun Bakı şəhərində yerləşən avtosalonunun qabağına yığışaraq onun qəbuluna düşmək üçün növbəyə dururlar. Ki, övladlarnın xidmətdə yerindəki problemlərini həll etsinlər. Samir Əhmədov da valideyinlərin istəklərini dinləyərək hamısının qeydiyyatını aparır ki, Rövşən Əkbərov Bakıya gələndə onunla görüşüb valideyinlərin ərzi-halını komandirə çatdırsın. Bir sözlə, müasir dillə desək, Samir Əhmədov korpus komandirinin “press sekretar”ı görəvini yerinə yetirir. Əlbəttə, söhbət həqiqi sözçülükdən, mətbuat katibliyindən getmir. Söhbət “makler”likdən gedir. Yəni korpus komandirinin dostu əsgərlərin problemini həll edə-edə öz problemlərini də həll edir. Yəni xeyli mal-mülk sahibi olur. Əslində avtomobil alverinə baxanda əsgərlərin problemini həll etmək daha gəlirli biznes sahəsidir…