"Azercell" Fakturalı xətt və Tələbə birliyi tarifinin abunəçiləri internet paketlərdən istifadə edərkən diqqətli olun

teref.az xəbər verir ki, belə bir müraciətilə Xəlilov Pərviz azerinews.tv-yə məktub göndərib. Onun iddiasına görə, "Azercell" tərəfindən Fakturalı xətt və Tələbə 1-liyi tarifinin abunəçiləri aldadılır və şirkət belə bir maxinasiya ilə miyonlara sahib olur....

P.Xəlilovun müraciətini olduğu kimi oxuculara təqdim edirik:

"Mən Xəlilov Pərviz 2013-cü ildən fakturalı xətt tarifinin abunəçisiyəm. Bir vaxtlar balansımın tez-tez əskik olmağını müşahidə etdim. Lakin dəfələrlə bu barədə "Azercell Telekom" MMC-yə müraciət etməyimə baxmayaraq, onlar balansımı bir neçə dəfə araşdıraraq guya heç bir problemin olmadığını demişdilər. Həmin dövrlərdə 1gb internet paketinin qiyməti 6 AZN olanda, bu paketə aylıq abunə olmuşdum. "Azercell" tərəfindən Fakturalı xətt və Tələbə 1-liyi tarifinin abunəçilərinin götürdüyü internet paketlərinə faktura kəsiləndən sonra 20% endirim tətbiq olunmalıdır. Sən demə, "Azercell Telekom" MMC hər ay təzələnən 1gb internet paketimə tətbiq olunası 20% endirimi oğurlayır. Belə ki, 6 AZN-in 20%-i (1.20 AZN) hər ay balansımdan əskik gəlirdi. Bəlkə də mənim kimi minlərlə abonentin belə 20% endirimi oğurlanıb. 28 yanvar 2015-ci il tarixində saat 14:50-də 3-cü mikrorayon dairəsinin yaxınlığında yerləşən "Azercell Express" ofisinə yaxınlaşaraq, həmin oğurluğu oradakı işçilərə sübut etdim. Bu sübutumdan 27 gün sonra, 27 fevral 2015-cil tarixində mənə heç bir açıqlama verilmədən, oğurlanan məbləğdən 11azn-i "Azercell" tərəfindən balansıma əlavə olundu. Bu barədə sübutum var şəkildə. Bu 11 azn neçə aydır ki, oğurlanan internet paketlərimə tətbiq olunası 20%-lərin cəmi imiş. Bunu "Azercell"ə sübut etməsəydim,oğurluqları davam edəcəkdi.

"Azercell Telekom" MMC-yə oğurluğunu, qüsurlarını sübut edərkən, bunların hamısının yalandan təkmilləşdirmə işləri ilə əlaqədar olduğunu bildirir. Çünki "Azercell" bununla bütün oğurluqlarını, qüsurlarını, yalanlarını ört-bastır edib, məsuliyyətdən qaçmaq istəyir.

Bu işlərlə bağlı iddia ərizəsi ilə məhkəməyə müraciət etmək istəyirdim. Lakin sosial şəbəkələrdə "Azercell MMC"-nin Azərbaycanda təhsilin inkişafına, təcrübəli kadrların yetişdirilməsinə dəstək verməsi haqqında məlumatları oxuyarkən bu fikrimdən əl çəkdim.

Əziz oxucular hətta Azercell-ə də etibar etməyin. Fakt olaraq oğurluqlarını tutmuşam. Ən çox sevdiyim mobil operator idi, indi gözümdən düşüb.

İnternet paketlərinə abunə olan Fakturalı xətt və Tələbə1-liyi abunəçiləri, Azercell-in yenə də belə oğurluq etməyinə imkan verməyin. Balansınızı daim nəzarətdə saxlayın. Diqqətlə baxın ki, faktura kəsildikdən sonra götürdüyünüz internet paketlərinə tətbiq olunası 20% endirim balansınıza əlavə olunsun. Əgər bu endirim tətbiq olmursa, demək ki, "Azercell" yenə də oğurluq edir. Dərhal Rabitə və İnformasiya Texnologiyaları Nazirliyinə şikayət edin".

Qarşı tərəfində mövqeyini dinləməyə hazırıq.