"Bağlamaların gecikməsinə, əlavə xərclərə və yüklənmələrə səbəb olur" - DGK-nın karqo şirkətlərindən yeni tələbinə ETİRAZ

3-05-2021, 16:41           
"Bağlamaların gecikməsinə, əlavə xərclərə və yüklənmələrə səbəb olur" -
"Son zamanlar vətəndaşlar ölkəmizdə böyük "Mall"ların işləmədiyi pandemiya dövründə xaricdən alış-verişə daha çox üstünlük verirlər. Digər tərəfdən bəzən Dövlət Gömrük Komitəsinin "Smart Customs” mobil tətbiqini idarə edənlər, güman ki, əziyyətə qatlaşmamaq üçün karqolardan əlavə informasiyalar tələb edir”.

Sfera.az-ın məlumatına görə, bunu Azərbaycan İnternet Forumunun rəhbəri Osman Gündüz deyib. Onun sözlərinə görə, son dövrlərdə karqo şirkətlərdən xaricdəki anbarlarında olan bağlamanın ölkəyə göndərilməsindən öncə onun üzərinə daha bir əlavə etiket - məlumat, bəyannamə nömrəsi ilə bağlı məlumat yerləşdirilməsi tələb olunur:

"Hansı ki, belə məlumat artıq "Smart Customs”da var. Eyni zamanda vətəndaşın alış-veriş zamanı əldə etdiyi invoys-fakturanın həm də karqo tərəfindən sistemə vurulmasının tələbi doğru bir yanaşma deyil. Onsuz da vətəndaş bunu gömrüyə bəyannaməni verərkən əlavə edir. Bütün bunlar sonda bağlamaların gecikməsinə, əlavə xərclərə və yüklənmələrə səbəb olur.

Son zamanlar isə bəzi karqolar ASAN login sistemindən istifadə edilməsində müəyyən ayrı-seçkiliklə qarşılaşdığını bildirirlər. Fikrimcə, kifayət qədər faydalı və effektiv bir rəqəmsal resursa, mövcud olan və olmayan bəzi bürokratik proseduraları da elektronlaşdırmaqla əlavə etmək, sonda bu resursun əhəmiyyətini və funksionallığını xeyli azalda bilər”.

O.Gündüz qeyd edib ki, mövcud bürokratik proseduraların daha da sadələşdirilməsi doğru olardı:

"Həmçinin bundan sonra rəqəmsal resursda nəzərə alınsın, gömrük və karqo dataları tam inteqrasiya olunsun, vətəndaşdan və ya karqodan əlavə informasiyalar tələb olunmasına ehtiyac qalmasın. 170-dən çox karqo şirkətin xidmət göstərdiyi on minlərlə vətəndaşın e-ticarət yolu ilə gətirdiyi malların "Smart Customs” vasitəsilə rəqəmsal mühitdə gömrük rəsmiləşdirməsi sahəsində Gömrük Komitəsinin fəaliyyəti təqdirəlayiqdir. Ümid edirəm, qeyd olunan çatışmazlıqlar da qısa müddətdə aradan qaldırılacaq”.шаблоны для dle 11.2












Teref.info © 2015
E-mail: n_alp@mail.ru            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.
Sayt Webmedia.az tərəfindən hazırlanmışdır.