Son günlər bəzi media vasitələri və sosial şəbəkələrdə belə məlumatlar yayılır ki, guya türklər Suriyada Rusiyaya sərf etməyən məntəqələrə, yəni “PKK”-“PYD” mövqelərinə planlaşdırdığı genişmiqyaslı hücumu həyata keçirsə, ruslar da Qarabağda ermənilərlə bərabər hücum edib Şuşanı alacaqlar.

Moderator.az-a açıqlamasında AMİP lideri Etibar Məmmədov belə məlumatların heç bir əsası olmadığını bildirib.

“Hesab edirəm ki, bu, əsassız, inandırıcı olmayan bir məlumatlardır. Həm də ona görə ki, Türkiyənin Suriyadakı hərbi əməliyyatlarıyla Azərbaycan torpaqlarındakı, konkret Şuşadakı proseslərin əlaqələndirilməsi yersizdir. Ən başlıcası, Rusiyanın Qarabağda hər hansı bir hücum əməliyyatı aparmaq üçün heç bir qanuni səlahiyyəti və qüvvəsi yoxdur. Eyni zamanda Moskvanın bir neçə cəbhədə hərbi əməliyyatlar aparmağa nə gücü, nə də qabiliyyəti var...”- deyə Etibar Məmmədov vurğulayıb.