“O ifadə verənlərin heç biri ordudan olmayıb, vilayət rəisinin topladığı Gümrü könüllüləri olublar”.
Ordu.az xəbər verir ki, bunu Ermənistan Silahlı Qüvvələrinin keçmiş Baş Qərargah rəisi, ölkənin keçmiş baş hərbi müfəttişi Movses Hakobyan “İbtidai istintaq, yoxsa bu cür qorxaq əsgərlərimiz olması baxımından ordu nüfuzdan salınır?” sualına cavab verərkən deyib.

Onun sözlərinə görə, noyabrın 10-da imzalanan sənədə görə, Ermənistanın dövlət başçısı azərbaycanlılara yol verməyi öhdəsinə götürüb, buna nəzarəti başqa ölkə həyata keçirəcək.

Hakobyan qeyd edib ki, yola Rusiya sərhəd qoşunları nəzarət edəcək.

60 nəfər erməni hərbi qulluqçunun 4-5 Azərbaycanlı hərbi qulluqçuya təslim olması ilə bağlı verilən suala Hakobyan belə cavab verib: “Sürüyə şir rəhbərlik edirsə, o, şir balalarına çevrilir, şirlərə bir baş qoyun rəhbərlik edirsə, bu şirlər qoyun sürüsünə çevrilir”.

Alpər Mövludoğlu
Ordu.az