Hər bir ölkənin milli maraqlarını nəzərə almaqla xarici syasətini həyata keçirmək hüququ var.

Bu barədə fevralın 23-də Ermənistan parlamentinin sədri səlahiyyətlərini icra edən Akop Arşakyan Rusiya ilə Azərbaycan arasında imzalanmış Müttəfiqlik Bəyannaməsini şərh edərkən bildirib.

O deyib ki, əvvəlcə sənədin mətnini hərtərəfli öyrənmək lazımdır: “Bundan sonra isə onun rəsmi şərhi verilə bilər”.
Arşakyanın sözləinə görə, bütün ölkələrin suveren hüquqlarına hörmətlə yanaşmaq lazımdır: “Hər bir ölkənin xarici siyasətini lazım bildiyi istiqamətdə inkişaf etdirmək hüququ var. Siz, bizim dost ölkənin xarici siyasəti barədə sual verirsiniz. Bu, onun suveren hüququdur”.

Arşakyan xatırladıb ki, Ermənistan və Rusiya arasında strateji müttəfiqlik barədə saziş imzalanıb və ən yüksək səviyyədə reallaşdırılır: “Amma demək olmaz ki, müttəfiq olan dövlətlər digər ölkələrlə münasibət qura bilməz. Bu o demək olardı ki, Ermənistan da Avropa İttifaqı ölkələri ilə beynəlxalq səviyyəli münasibətlərini inkişaf etdirə bilməz”.

“AzPolitika.info”