Müqavimətin 72-ci saatı... Bu 3 gün ölkəmizi və dünyanı dəyişdi. Kiyevi 2 saata ala bilərik deyənlər haradadır? Onları görə bilmirəm.

Axar.az xəbər verir ki, bu sözləri Ukraynanın müdafiə naziri Aleksey Reznikov sosial media hesabında yazıb.

"Vəzifəsini yerinə yetirən qəhrəman bir ordunu, qorxmaz mühafizəçiləri, əzmkar polisi və mələk səhiyyə işçilərini görürəm. Torpağın müdafiəsi, nəvələrinin, övladlarının gələcəyi üçün silaha sarılan minlərlə vətəndaş görürəm. Bütün dünya sizi görür. Qələbəmizə artıq təkcə biz inanmırıq. Ətrafınıza bir baxın. Onların çoxu indi Kreml qorxusunu dəf edib və meydan oxuyur. Hər keçən saat anlayırlar ki, Avropanın heç bir yerində belə ordu yoxdur. Ordumuz və xalqımız olmasa, Avropa heç vaxt təhlükəsiz yer olmayacaq. Biz olmasaq, Avropa da olmayacaq. Ona görə də yardımlar gəlir. Günəşin doğması yaxındır. Dayanacağıq. Yaşasın Ukrayna”, - nazir bildirib.