"Rusiya Ukraynada qələbədən sonra Moldovanı, Ermənistanı, Qazaxıstanı təmizləyəcək"

22-01-2024, 12:24           
"Rusiya Ukraynada qələbədən sonra Moldovanı, Ermənistanı, Qazaxıstanı təmizləyəcək"
NATO-nun keçmiş baş katibi Robertson deyib ki, Putin Rusiya Federasiyasının Alyansa nə vaxt dəvət ediləcəyini soruşub

"Ukrayna uduzsa, dünya nizamını ABŞ-ın düşmənləri müəyyən edəcək".

Qaynarinfo xəbər verir ki, bunu NATO-nun keçmiş rəhbəri Corc Robertson deyib.

"The Telegraph" qəzetinə müsahibə verən NATO-nun keçmiş rəhbəri bu siyahıda çinlilərin, rusların, iranlıların və şimali koreyalıların adlarını çəkib.

"Bu, dünyanı mənim nəvələrim üçün çox narahat edəcək", deyə Robertson Rusiyanın Ukraynaya qarşı müharibədə qələbə təhlükəsi barədə danışıb.

"Əgər onlar (ukraynalılar) uduzsalar, Putin qalib gəlsə, biz hamımız uduzacağıq", deyə Robertson əlavə edib. Eyni zamanda, NATO-nun keçmiş baş katibi Qərbdəki dəyərlər böhranına və "heyrətləndirici liderlik boşluğuna" qarşı xəbərdarlıq edib.

Robertson "Qərb ritorikasının cəsurluğu ilə onların hərəkətlərinin qətiyyətsizliyi arasında Kremlin onları ciddi qəbul etməsi üçün hələ də çox böyük boşluq olmasından" qorxur. Eyni zamanda, Robertson Ukraynaya çoxillik öhdəliklərin nə vaxt veriləcəyi açıqlanmadığından Böyük Britaniyanın baş nazirinin Kiyevə dəstək barədə çıxışını qeyri-kafi hesab edir.

"Ukrayna üçün indi ödədiyimiz pul tezliklə tükənəcək. Baş nazir ora gedir, bütün lazımi səsləri çıxarır, mükafat alır və gələn il üçün 2,5 milyard funt-sterlinq vəd edir. Amma onların bizə deməsi lazımdır: "Biz hər il 2,5 milyard funt-sterlinq verəcəyik. Kremlin eşidə biləcəyi yeganə şey budur", deyə NATO-nun keçmiş rəhbəri vurğulayıb.

Bundan əlavə, Robertson ABŞ prezidenti Co Baydenin Ukraynanın təhlükəsizliyinin təmin edilməsində problemlərlə bağlı davranışını tənqid edib.

Robertson onu da bildirib ki, Vladimir Putin şəxsi görüş zamanı ondan Rusiya Federasiyasının NATO-ya nə vaxt dəvət olunacağını soruşub. O əlavə edib ki, həmin vaxt Putinin blef etdiyini və Qərbi aldatdığını düşünmür: "Mən onun yalan danışdığını düşünmürəm. O, dəyişdi. Onun daxilində nə isə Sovet İttifaqına hörmət və heyranlıq hissini canlandırdı".

Robertson bildirib ki, Ukrayna üzərində qələbə qazanacağı təqdirdə Rusiya Moldovanı, Ermənistanı, Qazaxıstanı təmizləyəcək - orada bufer zona yaradacaq.












Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.