“Yerli idarəetmədə bələdiyyələrin çox mühüm rolu var”.

Bunu BiG.AZ-a açıqlamasında Milli Məclisin deputatı, “Yeni Azərbaycan” qəzetinin baş redaktoru Hikmət Babaoğlu deyib.

Hikmət Babaoğlu bildirib ki,vaxtaşırı olaraq bələdiyyələrlə bağlı qanunvericilik təkminləşdirilir, onların fəaliyyətinin yeni istiqaməti müəyyənləşdirilir. “Yerli idarəetmədə yeni keyfiyyət dəyişikliyi yaradılır. Şübhəsiz ki, bütün bunlar əhalinin problemlərinin həllinə yardım göstərməklə yanaşı yerli iadəetmə orqanlarının inkişafına gətirib çıxarır. Azərbaycanda bələdiyyələrlə yerli icra hakimiyyəti orqanları parallel strukturlar deyil. Başqa dövlətlərə nəzər salsaq görərik ki, seçkili yerli strukturları ilə bərabər dövlət tərəfindən müəyyənləşmiş inzibati idarəetmə orqanları var. Onların fəaliyyəti kəsişmir. Azərbaycanda bələdiyyə yeni formalaşmış inistitutdur. Onun inkişaf etdirilməsi və gələcəkdə daha effektiv fəaliyyət göstərməsi üçün bələdiyyələrlə bağlı qanunlar təkminləşdirilir”.