“İndiki şəraitdə bu məsələ bir az çətin görünür...”

Martın 20-də ata evi yanan mərhum jurnalist Zabil Müqabiloğlunun ailəsi üçün daha bir həmkarından dəstək gəlib.

Tanınmış jurnalist Azər Həsrət Moderator.az-a açıqlamasında hadisədən təəsüfləndiyini, bayram günü belə bir hadisənin olmasını istəməzdim deyib:

“Bu haqda “facebook”da oxudum. Üzücü bir olaydır. O evin yanması həm də Zabilin xatirəsinin bir hissəsini özüylə apardı. Açığı, belə bir gündə, belə bir hadisənin olmasını heç kim istəməzdi. Amma olub. Mən istərdim ki, Sevinc xanım bir qədər təmkinli olsun. Necə deyərlər, cana gələcəyinə, mala gəlsin. Əsas odur ki, salamatçılıqdır. Müvafiq dövlət qurumlarının isə mümkün qədər tez hərəkətə keçməsi lazımdır. Ən azından Sevinc xanımın müvəqqəti mənzillə təmin edilməsi yaxşı olardı. Əlbəttə, imkan olsaydı, biz jurnalistlər ona kömək edərdik. Amma indiki şəraitdə bu məsələ bir az çətin görünür. Hər zaman olduğu kimi dövlətimizə güvənirik”.

Vasif Əlihüseyn