Qazaxıstan prezidenti Kasım-Jomart Tokayev onun portreti ilə reklam lövhələrinin quraşdırılmasını sərt tənqid edib.

Teleqraf.com xəbər verir ki, Qazaxıstan dövlətinin başçısı bu barədə Twitter-də yazıb.

Tokayevin sözlərinə görə, ona şəhərdə 14 dəbdəbəli billboardun yerləşdirilməsi barədə məlumat verilib.

"Hesab edirəm ki, bu tamamilə yersizdir, mən belə təbliğata ehtiyac duymuram. Belə inzibati cəhd nəyə lazımdır?"-deyə Tokayev ictimaiyyətlə görüşdə soruşub.

Bundan sonra o, bütün səviyyələrdən olan akimlərə (merlərə və qubernatorlara) reklam plakatlarında ölkənin ilk prezidenti Nursultan Nazarbayevin rəhbərliyi ilə əldə edilən uğurları nümayiş etdirməyi tapşırıb.