ABŞ Prezidenti Donald Tramp Konqresin Birləşmiş Ştatların Yəməndə döyüş əməliyyatlarında iştirakının dayandırılmasını nəzərdə tutan qətnaməsinə veto qoyub.

"Report"un məlumatına görə, bu barədə Ağ Evin bəyanatına istinadən "Reuters" bildirib.

Trampın qərarı ilə bağlı izahedici qeyddə bildirilir ki, qətnamə "qeyri-vacibdir" və Prezidentin konstitusiya hüquqlarını məhdudlaşdırmağa yönəldilib.

Tramp həmçinin vurğulayıb ki, Konqresin qətnaməsi Amerika vətəndaşlarını və qoçaq hərbi qulluqçuları təhlükəyə məruz qoyur.

Daha əvvəl ABŞ Prezidenti "Boeing" şirkətinə "737 MAX" modeldən olan təyyarələrin model adının dəyişdirilməsini məsləhət görüb.