Bələdiyyə seçkiləri keçirilən gün Bərdə rayonunda məzarlıq sükutu hökm sürür. Anaxeber.info-ya rayondan verilən məlumata görə, hazırda Bərdədə seçki məntəqələrində hamı mürgüləyir. Buna səbəb səsverməyə böyük çoxluğun getməməsidir. Seçicilər bələdiyyə sədrlərinin və üzvlərinin artıq bir gün qabaqdan Bərdənin icra başçısı Vidadi İsayev tərəfindən təyin olunduğunu söyləyirlər. İddialara görə, icra başçısı bələdiyyə yerlərini satıb və seçkini çoxdan qurtarıb. Əldə etdiyimiz xəbərdə bildirilir ki, müəllimlər, həkimlər, büdcə təşkilatlarının işçiləri məcburi qaydada seçkiyə cəlb olunub, səs verməyə aparılıb. V.İsayev inzibati resurslardan istifadə edərək seçici aktivliyi olduğu görüntüsü yaratmağa çalışır.




Hazırda Bərdənin 3 saylı seçki məntəqəsində ins-cins yoxdur. Yayılan kadrlardan görünür ki, faktiki olaraq, səsverməyə gələn yoxdur.