ABŞ-ın Rusiyadakı səfiri Con Sallivan Moskva və Vaşinqton arasındakı münasibətlərin “Soyuq müharibə”nin bitməsindən sonra ən aşağı həddə çatdığını deyib.

Teleqraf.com xəbər verir ki, diplomat ikitərəfli münasibətlərin qaydaya salınmasının vacib olduğunu, əks halda bunun ağır nəticələr doğura biləcəyini bildirib.

Sallivan bu prosesin nə qədər davam edəcəyini bilmədiyini vurğulayıb, ancaq ABŞ-dakı seçkiləri gözləmədən münasibətlərin normallaşdırılmasına elə bu gündən başlamaq lazım olduğunu qeyd edib.

O, həmçinin Moskva və Vaşinqton arasında əsaslı fərqlərin olduğunu əlavə edib. Ancaq diplomatın fikrincə, münasibətləri qaydasına salmaq mümkündür.