Səudiyyə Ərəbistanı və Rusiya mart ayında olduğu kimi neft bazarında “qiymət müharibəsi”nin təkrarlanmasını istəmir.

Modern.az “Bloomberg” agentliyinə istinadən xəbər verir ki, hər iki ölkə may ayında neft hasilatının azaldılması barədə razılaşmanı avqustun 1-nə qədər uzatmaq istəyir.

Amma Moskva ilə Ər-Riyad Qazaxıstan, Azərbaycan, İraq, Nigeriya və Anqolanın OPEK+ formatının üzvləri kimi üzərlərinə götürdüykləri neft kvotaları ilə bağlı öhdəlikləri icra etmədikləri fikrindədir. Qabon və Sudan isə öz öhdəliklərinin əksinə, neft hasilatını həm də artırıblar.

Bütün bu səbəblərə görə, iyunun 4-də OPEK+ sammitinin texniki xarakter daşıyacağı gözlənilir.

Kvotaların saxlanılması ilə bağlı problem iyunun 4-də keçiriləcək iclasa qədər həllini tapmayıb. Buna görə, texniki xaraket daşıuyacaq iclasda gələn aylar üçün neft hasilatının həcmi ilə bağlı proqnozlar müzakirə olunacaq.