Haftar müharibəyə hazırlaşır: Rusiya silah göndərdi
13-12-2020, 10:40
Rusiya Liviyada qiyamçı Xəlifə Haftara hərbi texnika və silah göndərib.
Axar.az xəbər verir ki, bunu hökumətə bağlı Sirt və Cufra Birgə Əməliyyat Dairəsinin sözçüsü Əbdülhadi Dirah deyib.
“Bundan başqa, 23 silahlı avtomobillə bərabər silah-sursatla dolu olan iki yük maşını Cufradan ölkənin cənubuna doğru istiqamətlənib. Bütün bunlar Haftarın ölkədə sabitliyi deyil, hakimiyyətə gəlmək üçün müharibə istədiyini bir daha göstərir”, - Dirah bildirib.