“Yəqin Syunik demək istədiniz cənab Koçaryan, Zəngəzur yox, Syunik” – Kazinyan Koçaryana hiddətləndi
23-09-2021, 00:02
Ermənistan parlamentinin Müdafiə və Təhlükəsizlik Məsələləri daimi Komissiyası bu gün növbədənkənar iclas çağırıb.
Erməni mətbuatına istinadən xəbər verir ki, “Ermənistan” fraksiyasının deputatı Artur Kazinyan Ermənistanın cənub-şərq sərhədindəki vəziyyəti öyrənən işçi qrupu yaratmağı təklif edib.
Komissiyanın sədri Andranik Koçaryan qeyd edib ki, işçi qrupu gələn həftə yaradılacaq. O komissiya üzvü Armen Xaçatryanın bu işi təşkil etmək üçün Zəngəzurda olduğunu vurğulayıb. Koçaryanın Zəngəzur ifadəsini işlətməsi Kazinyanı özündən çıxarıb: “Yəqin Syunik demək istədiniz cənab Koçaryan. Zəngəzur yox, Syunik ” Kazinyan öz aləmində Koçaryanın yanlışını düzəldib.(konkret.az)
