“Ermənistanda hakimiyyət bir tezis irəli sürür. Bu tezisə görə, Qarabağın (qondarma qurum - red.) “hazırkı hakimiyyəti” istefa verərsə, Ermənistanın Baş naziri Nikol Paşinyan artıq Qarabağa heç bir maliyyə dəstəyi verməyəcək”.

EDNews.net xəbər verir ki, bu barədə Ermənistanın “Joğovurd” nəşri yazıb.

Qeyd olunub ki, bu tezis müxtəlif dairələrdə qızğın müzakirələrə səbəb olub və Qarabağa çatıb.

“Ermənistan Maliyyə Nazirliyi tərəfindən təqdim edilən 2022-ci il büdcə layihəsi ilə Qarabağa 144 milyard dram veriləcək. Layihəyə görə, Qarabağ üçün nəzərdə tutulan büdcə krediti illik 0,01 faiz göstəricisi ilə 2026-cı il yanvarın 1-nə qədər ödənmə şərti ilə verilir”, - deyə nəşr bildirib.