"Rusiya Avropa İttifaqına (Aİ) qaz tədarükü ilə bağlı bütün müqavilələrin şərtlərinə ciddi əməl edir".

Qafqaz.media TASS-an istinadla xəbər verir ki, bunu Aİ-nin Xarici işlər və təhlükəsizlik siyasəti üzrə ali nümayəndəsi Cozef Borel ittifaqın xarici işlər nazirləri səviyyəsində keçirilən iclasının yekunları üzrə məruzəsi zamanı deyib.

"Rusiya Aİ-yə qaz tədarükü ilə bağlı bütün müqavilələrin şərtlərinə ciddi əməl edir, lakin əlavə həcm vermir", - Borel deyib.

O, Avropada qazın qiymətinin artması ilə bağlı vəziyyəti belə dəyərləndirib:

"Bu, bir çox obyektiv amilin zamanla üst-üstə düşdüyü ideal fırtınadır".