Hüquqşünasın sözlərinə görə, kiberməkandan tutmuş səhiyyəyə qədər bir çox sahələrdə müxtəlif təhdidlərin qarşısını almaq və onlara qarşı mübarizə aparmaq üçün dəqiq qlobal idarəetmə yoxdur.
Rusiya prezidenti Vladimir Putinin BMT səviyyəsində çağırış və təhdid reyestrinin tərtib edilməsi üzrə fikri təşkilatda dəstək alacaq, bu, ağlabatan və vaxtı çatmış fikirdir. Bu barədə Rusiya Beynəlxalq Hüquq Assosasiyasının İcra Hakimiyyətinin üzvü və prezidenti, hüquqşünas Anatoli Kapustin RİA Novosti-yə bildirib.
"Valday" müzakirə klubunun plenar iclasında çıxışı edən Putin bildirib ki, BMT səviyyəsində çağırış və təhdid reyestrini hazırlamaq və bu işdə müxtəlif ölkələrdən mütəxəssisləri cəlb etmək lazımdır.
"Prinsipcə, bu fikir ağlabatandır. Elə həmin BMT-də o, dəstəyə layiqdir, çünki çoxlu yeni çağırışlar və təhdidlər ortaya çıxır", - deyə Kapustin bildirib.
Onun sözlərinə görə, kiberməkandan tutmuş səhiyyəyə qədər bir çox sahələrdə müxtəlif təhdidlərin qarşısını almaq və onlara qarşı mübarizə aparmaq üçün dəqiq qlobal idarəetmə yoxdur.
"İqlimin dəyişməsi haqqında danışırlar və nədənsə təşəbbüs onu tətbiq etməyə çalışan ayrı-ayrı dövlətlərdən gəlir. Əgər buna oxşar qlobal problemlərin həlli BMT-nin universal səviyyəsinə çıxarılsa, o zaman beynəlxalq ictimaiyyət səviyyəsində "bu təhdidlərə qarşı mübarizə və bu gün mövcud olan çağırışlara cavab tapmaq üçün mümkün tədbirlərinin siyahısını hazırlamaq olardı", - deyə Kapustin əlavə edib.
"Ümumilikdə bu fikri dəstəkləyirəm. Çox mükəmməl, ağlabatan və yetkin fikirdir", - deyə ekspert yekunlaşdırıb.