Azərbaycan Prezidenti İlham Əliyev, Rusiya Prezidenti Vladimir Putin və Ermənistan Baş naziri Nikol Paşinyanın görüşü noyabrın ilk ongünlüyündə baş tuta bilər. Ordu.az xəbər verir ki, Ermənistan parlamentinin “Hayastan” fraksiyasının deputatı Artsvik Minasyan müxalifətin əsas məqsədinin erməniyönümlü olmayan yeni bir vəziyyətin yaranmaması üçün bütün mümkün alətlərdən istifadə etmək olduğunu qeyd edib.

Onun sözlərinə görə, Nikol Paşinyan indi hansısa bir şeyi gizli şəkildə etməyə davam edirsə, buna görə cavab verməlidir.

Erməni beynəlxalq hüquq mütəxəssisi Qor Hovhannisyanın sözlərinə görə, dövlət başçıları arsında müqavilə imzalanacaq.

“Lakin beynəlxalq hüquqla milli hüququ fərqləndirmək lazımdır, çünki beynəlxalq hüquqda milli qanunvericiliyin pozulması vacib deyil”, - deyə Hovhannisyan qeyd edib.

İrəvan Dövlət Universitetinin Siyasi institutlar və proseslər kafedrasının müdiri Qarik Keryan bildirib ki, imzalanacaq sənədlə bağlı yalnız fərziyyələr olduğu üçün heç kim söhbətin hansı sənəddən getdiyini bilmir.

“Ola bilər hansısa maddələri olan sülh müqaviləsidir, ola bilər ərazi bütövlüyünün qarşılıqlı şəkildə tanınması barədə müqavilədir, ola bilər demarkasiya haqqında müqavilədir, yaxud da hamısı birlikdədir”, - deyə o vurğulayıb.