2014-cü ildə Ukraynada hakimiyyətə gələn qüvvələr öz mövqelərini qorumaq üçün Krımın Rusiyaya birləşdirilməsinə mane olmamaq barədə razılığa gəliblər.

Axar.az xəbər verir ki, bunu Ukrayna Ali Radasının rusiyayönlü Müxalif Platforma Partiyasından olan deputat İlya Kiva deyib.

Parlamentari qeyd edib ki, yarımadanın sakinləri Ukraynadakı hadisələrə görə Rusiyaya birləşməyə səs veriblər. O, krımlıların nasizmi tərənnüm edən, sovet keçmişini və Rusiya ilə qardaşlıq münasibətlərini inkar edən ölkədə yaşamaq istəmədiklərini diqqətə çatdırıb.