Rusiya Prezidenti Vladimir Putin MDB ölkələri silahlı qüvvələrinin minatəmizləmə üzrə birgə humanitar mühəndis bölməsinin yaradılmasına dair sazişin ratifikasiya edilməsi haqqında Qanun imzalayıb.

AZƏRTAC xəbər verir ki, ötən il Moskvada imzalanan sazişin məqsədi bölmənin formalaşması, fəaliyyəti, statusu, eləcə də minatəmizləmə işləri zamanı bölmədə xidmət edən hərbçilərin statusunun müəyyən edilməsidir.

Bölmənin tərkibini və komandanlığını MDB Müdafiə Nazirləri Şurası tərəflərin təklifləri əsasında müəyyən edəcək.

Fəridə Abdullayeva

AZƏRTAC-ın xüsusi müxbiri