Ukrayna Rusiya ilə viza rejimi tətbiq edə bilər.

Bakupost.az xəbər verir ki, Ukrayna prezidenti Volodimer Zelenski baş nazir Denis Şmıxala Rusiya vətəndaşlarının Ukraynaya girişinə nəzarətin gücləndirilməsi məsələsini hazırlamağı tapşırıb.

Viza rejiminin tətbiqi ilə bağlı petisiya 25 mindən çox imza toplayıb. Vizanın nə vaxt tətbiq olunacağı və ümumiyyətlə tətbiq edilib-edilməyəcəyi hələlik məlum deyil.

Xatırladaq ki, müharibədən əvvəl ruslar və Ukrayna vətəndaşları dövlət sərhədlərini viza məhdudiyyəti olmadan keçə bilirdilər, lakin Rusiyanın Ukraynaya hücumu hər şeyi dəyişib.