Britaniyalı nazirdən Azərbaycan səfirliyində baş vermiş insidentlə bağlı AÇIQLAMA 231

16-08-2022, 00:06           
Britaniyalı nazirdən Azərbaycan səfirliyində baş vermiş insidentlə bağlı AÇIQLAMA 231
Böyük Britaniyanın Avropa məsələləri üzrə naziri Qraham Stüart Azərbaycanın Londondakı səfirliyində təhlükəsizliklə bağlı insidentlə bağlı Azərbaycanın səfiri Elin Süleymanov ilə görüşüb.
Nazir hadisənin baş verməsindən dərin təəssüf hissi keçirdiyini bildirib:
“Avqustun 4-də Azərbaycanın Londondakı səfirliyində baş vermiş ciddi insidentindən sonra bu gün Azərbaycan səfiri Elin Süleymanovla danışdım. Hökumətin Böyük Britaniyadakı bütün diplomatik nümayəndəliklərin təhlükəsizliyinə verdiyi əhəmiyyəti vurğuladım və hadisənin baş verməsindən dərin təəssüf hissi keçirdiyimi bildirdim”.
Nazir bildirib ki, Böyük Britaniya ifadə azadlığı hüququnu dəstəkləmək ənənəsinə malikdir, lakin bu, dinc və qanuni nümayişlər vasitəsilə həyata keçirilməlidir.
Xatırladaq ki, avqustun 4-də bir qrup dini radikal Londonun mərkəzində yerləşən Azərbaycan səfirliyinin binasına hücum edib.
Hücum edənlər diplomatik nümayəndəliyin eyvanından dini bayraq asıb və dini şüarlar səsləndiriblər. Səkkiz hücumçu yerli polis tərəfindən saxlanılıb.












Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.