Çini qəzəbləndirəcək addım: Razılığa gəldilər

18-08-2022, 12:17           
Çini qəzəbləndirəcək addım: Razılığa gəldilər
ABŞ administrasiyası Çinlə gərginliyin yüksək olduğu bir vaxtda Pekinlə suverenlik münaqişəsində olan Tayvanla yeni ticarət təşəbbüsü çərçivəsində rəsmi danışıqlara başlayacaq.

Ölkə.Az xarici KİV-ə istinadla xəbər verir ki, ABŞ Ticarət Nümayəndəliyi (USTR) açıqlamasında bildirib ki, Birləşmiş Ştatlar və Tayvan "21-ci Əsr Ticarəti üzrə ABŞ-Tayvan Təşəbbüsü" çərçivəsində danışıqlar səlahiyyətinə dair razılığa gəliblər.

Danışıqların birinci raundunun bu ilin payızının əvvəlində baş tutacağı gözlənilir.
Bəyanatda qeyd olunub ki, dövlət müəssisələrinin pozucu təcrübələri və qeyri-bazar siyasət və praktikaları da gündəmdədir.

USTR-nin bəyanatında bildirilir ki, ABŞ danışıqlar boyu Konqres və işçilər, iş dünyası, ətraf mühit qrupları və digər əsas maraqlı tərəflərlə məsləhətləşmələri davam etdirəcək.

ABŞ Ticarət Nümayəndəsinin müavini Sara Biançi açıqlamasında Tayvan ilə ticarət və investisiya əlaqələrini dərinləşdirəcək danışıqlara başlayacaqlarını bildirib:

"Biz yüksək standartlı öhdəliklər və mənalı nəticələr əldə etmək üçün daha ədalətli, daha firavan və dayanıqlı 21-ci əsr iqtisadiyyatının qurulmasına kömək edəcək danışıqlarda 11 ticarət sahəsini əhatə edən iddialı bir proqram həyata keçirməyi planlaşdırırıq" - o bildirib.




Loading...



Loading...





Loading...

Teref.info © 2015
E-mail: n_alp@mail.ru            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.