Rusiyanın Ukraynadakı qoşunlarının komandanı Sergey Surovkin Rusiyanın müdafiə naziri Sergey Şoyquya Rusiya ordusunun Ukraynadakı fəaliyyəti ilə bağlı hesabat təqdim edib.

Manset.az-ın xarici mediaya istinadən məlumatına görə, Ukrayna ordusunun xüsusilə Xerson bölgəsində həyata keçirdiyi hücumlarda problem yaşadıqlarını etiraf edən Surovkin, "Dnepir çayının sol sahilində müdafiə xətti qurmağı təklif edirik. Bu, asan bir qərar deyil, lakin biz bunu edəcəyik. həm əsgərlərimizin həyatını, həm də əsgərlərimizin döyüş qabiliyyətini xilas edək. Qoşunlarımızın manevrləri də ən qısa zamanda baş tutacaq" – deyib.

O, Ukrayna ordusunun Kahovka bəndinə hücumlar təşkil etdiyini və bənddəki risklərə görə mülki əhalinin təxliyyə edilməsinin və Rusiya ordusunun geri çəkilməsinin məqsədəuyğun olduğunu bildirib:

“Ukrayna ordusu oktyabrda 12 mindən çox hərbi itki verib. Bizim itkilərimiz Ukrayna ordusunun itkilərindən 7-8 dəfə azdır. Avqust-oktyabr ayları arasında Ukrayna ordusu Xerson vilayətində 9500 nəfəri öldürüb və ya yaralayıb. Bundan əlavə, Xerson vilayətində 115 min insan münaqişə zonalarını tərk edib”.

Surovkinin hesabatından sonra Rusiyanın müdafiə naziri Sergey Şoyqu geri çəkilmə təklifini qəbul edib.

Şoyqu bununla bağlı, “Qoşunların çıxarılmasına başlayın, silah və texnikanın daşınması üçün bütün təhlükəsizlik tədbirlərini həyata keçirin” - deyib.