Çin prezidenti Si Cinpin ABŞ prezidenti Co Baydenlə görüşü zamanı Ukraynadakı münaqişənin həlli üçün beynəlxalq ictimaiyyətin yerinə yetirməli olduğu şərtləri açıqlayıb. Bu barədə TASS Çin Xarici İşlər Nazirliyinə istinadən məlumat yayıb.

Çin liderinin sözlərinə görə, Ukrayna böhranının həlli prosesində “qlobal güclər arasında birbaşa münaqişədən qaçmaq lazımdır”.

O, həmçinin qeyd edib ki, beynəlxalq ictimaiyyət Ukrayna münaqişəsi kimi böhranların həlli üçün hərtərəfli həll yolları tələb etdiyini nəzərə almalıdır. Eyni zamanda, Si Cinpin deyib ki, biz yadda saxlamalıyıq ki, “müharibələrdə və münaqişələrdə qalib yoxdur”.