Rusiya Prezidenti Vladimir Putin bütün qüvvələrini Ukraynanın şərqinə, yəni Donetsk vilayətinə yerləşdirməyə çalışır. Uğursuzluqlar fonunda ona bu istiqamətdə uğur lazımdır.

Axar.az xəbər verir ki, bunu ukraynalı hərbi ekspert Roman Svitan deyib.

“Belarusdan raketlər birbaşa Donbasa deyil, əsasən Rostov vilayətinə, aerodroma göndərilir. Ruslar o raketlərdən Donbasda istifadə edir. Bunlar hava hücumundan müdafiə raketləridir.

Çox güman ki, onlar Donbasın hava hücumundan müdafiəsini gücləndirəcəklər. Donbasda qoşunların sıxlığı çox yüksəkdir”, - Svitan qeyd edib.