Putin qondarma "LXR"-də Milli Qvardiyanın qərargahına baş çəkib.

Publika.az TASS agentliyinə istinadən xəbər verir ki, Rusiya prezidenti Vladimir Putin qondarma "Luqansk Xalq Respublikası"nda (LXR) “Vostok” Milli Qvardiyasının qərargahına baş çəkib.

Putin general-polkovnik Aleksandr Lapinin və digər yüksək rütbəli zabitlərin məruzələrini dinləyib.

Dövlət başçısı səfərindən əvvəl Dnepr qoşun qrupunun Xerson istiqamətində yerləşən qərargahını ziyarət edib. Orada Hava-Desant Qüvvələrinin komandanı general-polkovnik Mixail Teplinskinin və Dnepr Qüvvələrinin komandanı general-polkovnik Oleq Makareviçin məruzələrini dinləyərək, hərbçiləri Pasxa bayramı münasibətilə təbrik edib.

Kremlin sonradan aydınlaşdırdığı kimi, sözügedən səfərlər əvvəlcədən planlaşdırılmayıb.