"Türkiyə tərəfi Ermənistandan Osmanlı İmperiyasında (qondarma)"Erməni Soyqırımı"nın tanınması məsələsindən imtina etməyi tələb etməyib".
Bunu Ermənistan Milli Məclisinin vitse-spikeri, İrəvanın normallaşma üzrə danışıqlarda xüsusi nümayəndəsi Ruben Rubinyan deyib. Onun sözlərinə görə, Ermənistan tərəfi heç bir ilkin şərt olmadan Türkiyə ilə münasibətlərin normallaşmasının tərəfdarı olmaqda davam edir.

"İlkin şərtsiz dedikdə heç bir tərəfdən və hər hansı bir məsələdə heç bir şərt olmadan münasibətlərin qurulması nəzərdə tutulur”.

Bir müddət əvvəl hakim “Mülki müqavilə”dən olan deputat Vigen Xaçatryan jurnalistlərə bildirib ki, Ermənistan-Türkiyə münasibətlərinin normallaşdırılması üzrə danışıqlar prosesində İrəvan Ankaradan(qondarma) "soyqırım"ı tanımasını və təzminat ödəməsini tələb etməyib.
AzVision.az