Serbiya Aİ və Qərbin ikili standartlarına öyrəşib. Hətta 1999-cu ildə NATO-nun Yuqoslaviyaya təcavüzünün gedişatını Qərb dövlətləri özünəməxsus şəkildə şərh ediblər.

Bu barədə bazar ertəsi Serbiya Prezidenti Aleksandar Vuçiç Niderland və Lüksemburq hökumət başçıları Mark Rutte və Xavier Bettel ilə birgə mətbuat konfransı zamanı bildirib.

“20-ci əsrin sonunda Serbiya NATO və 19 ölkə tərəfindən vəhşicəsinə hücuma məruz qaldı. Bilirsiniz ki, bu, BMT Təhlükəsizlik Şurasının qərarına uyğun olaraq həyata keçirilməyib, lakin siz təbii ki, başqa cür şərh edirsiniz. Biz artıq buna öyrəşmişik. İnanıram ki, bir-birimizi daha yaxşı başa düşmək üçün bir-birimizlə danışmalıyıq”, - Serbiya dövlətinin başçısı bildirib.

“Fransızlara gəlincə, onlar bizi daha sərt tənqid etdilər, baxmayaraq ki, biz daha az güc tətbiq etdik. Bunlar bizim öyrəşdiyimiz ikili standartlardır”, - Serbiyada anti-koronavirus nümayişlərinin dağıdılması və Fransada davam edən iğtişaşlarla bağlı paralellər aparan Vuçiç qeyd edib.
Eyni zamanda, Serbiya Prezidenti Fransa hakimiyyətinə dəstəyini ifadə edib və iğtişaşlara tez son qoyulacağına ümid etdiyini bildirib.

Mənbə: TASS