"Müasir Müsavat Partiyasının Ədliyyə Nazirliyində reystrə düşüb-düşməməsi ilə bağlı məlumatsızam”.

TEREF.AZ bildirir ki, bu barədə Qaynarinfo-ya açıqlamasında partiya sədri Hafiz Hacıyev deyib.

Sədr səhhətində yaranan problem səbəbindən Ankarada müalicədə olduğunu bildirib:

"Sözün düzü, dəqiq məlumatım yoxdur. Həkimlər icazə vermir ki, telefon işlədim, bu səbəbdən heç kəslə əlaqə saxlaya bilmirəm. Tək onu bilirdim ki, başqa partiyalar kimi biz də Ədliyyə Nazirliyinə sənədləri təqdim etmişik. Nə qədər imza tələb olunursa, biz də onu qanunauyğun şəkildə həyata keçirdik”.

Partiyanın mətbuat xidmətinin rəhbəri Könül İsmayılova isə bildirib ki, reystlə bağlı sənədlərdə bir sıra texniki problemlər olduğundan Ədliyyə Nazirliyi geri qaytarıb:

"Hazırda sənədlər üzərində işlənilir. Bütün problemlər həll olunduqdan sonra sənədlər yenidən nazirliyə tədqim oluncaq”.